ԳԵՄ դիտորդները «Մարդկանց ձայնը» ծրագրի շրջանակներում ընտրական գործընթացների մասին վերջին խորհրդատվություններն են ստանում, ինչպես նաև կամավորները ամփոփում են ընտրացուցակների ճշտման արդյունքները: Մաղթենք նրանց արդյունավետ աշխատանք ամսի 18 -ի Նախագահական ընտրություններում: 
Վայքի ՄՍԿ տարածքում տեղի ունեցավ հերթական հանդիպում-խորհրդատվությունը մեկ ընտրատեղամասի ընտրացուցակների ճշտման գործընթացում ընդգրկված կամավորների համար: Երիտասարդները սիրով են մասնակցում իրենց ապագայի կերտման գործընթացին: Գնալով կարծես թե վերանում է նախկինում ձևավորված անտարբերությունը ընտրական գործընթացների նկատմամբ: Հաճելի է տեսնել հատկապես երիտասարդ աղջիկների ներգրավվածությունը ընտրացուցակների ճշտման գործընթացում: Նրանք մեկ առ մեկ այցելել են իրենց ընտրատեղամասի հասցեատերերին, ստուգելու համար անունների առկայությունը ընտրացուցակում: Անհրաժեշտության դեպքում օգնել են քաղաքացիների դիմում գրելու անձնագրային բաժին, կամ օգնել նրանց ներկայացնելու այսկամ այն վկայականը, ասենք մահվան, մահացած մարդու անունը ցուցակներից հանելու համար:
Վայքի համայնքների ընտրատեղամասերի տարածքներում ԳԵՄ կամավորները ամփոփում են ընտրացուցակների ճշտման գործընթացը: Նախօրոք իրար մեջ բաժանելով յուրաքանչյուր կամավորի համար նախատեսված այցելությունները, նրանք այցելել են թիվ 39 ընտրատարածքի տարբեր ընտրատեղամասերի հասցեատերերի բնակարանները՝ տեղում ճշտելու համար տվյալ հասցեներում գրանցված մարդկանց անունների առկայությունը ցուցակներում:
ԳԵՄ դիտորդներն ու կամավորներն իրականացնում են ընտրացուցակների ճշտման գործընթաց Վայոց Ձորի մարզի տարբեր համայնքներում: Այս անգամ նրանք իրականացնում են ընտրացուցակների ճշտման գործընթաց Արին և Ազատեկ համայնքներում: Հարկ է նշել, որ համայնքի բնակիչները պատրաստակամությամբ են ընդունում մեր կամավորներին և մեր կողմից տրանսպորտային աջակցություն ստանալու պարագայում (գյուղից քաղաք հասնելու համար) սիրով մասնակցում են իրենց իսկ ընտանիքի անդամների անունների ցուցակում ներգրավման, վերականգնման կամ հանման գործընթացին:
