Այսօր Գորիսի հասարակությունը իր հարգանքի տուրքը մատուցեց 1915թ-ի անմեղ զոհերի հիշատակին: Դեռ նախճրդ օրը երեկոյան ակտիվ երիտասարդությունը ջահերով երթ էր կազմակերպել դեպի Եղեռնի հուշարձանը Գորիսում: Այսօր արդեն համայնքի ողջ հասարակությունն էր շարունակում երթը: Մարդիկ հանդարտ քայերով, հիշատակի ծաղիկները ձեռքներին, խոնարհված հայացքներով քաղաքի տարբեր վայրերից գալիս էին հուշարձան՝իրենց հարգանքի և հիշատակի տուրքը մատուցելու Մեծ Եղեռնի զոհերին: Հուշարձան էին այցելում նաև հարակից գյուղական համայնքների բնակիչները: Հետաքրքիր էր Հարթաշենի Երիտասարդ երկրապահների այցը՝ զինվորական համազգեստներով և պաստառով, Արցախյան հերոսամարտի մասնակից Սամվել Լալազարյանի ուղեկցությամբ: Կան ազգի ճակատագիրը իրենց ուսերին վերցնող երիտասարդներ այսօր, ուրեմն կապրի մեր ազգը նաև ապագայում:
Այսօր շահագործման հանձնվեց երկար սպասված Գորիսի Սոցիալական Տունը, որը Նոր Տարվա նախօրյակին լավագույն նվերն էր համայնքի ամենաանապահով խավից թվով 20 ընտանիքների համար: Ծրագիրն իրականացվել է Հայաստանի և Շվեցարիայի կառավարությունների համաֆինանսավորմամբ: Բազմաբնակարան շենքի հանձնման հանդիսավոր արարողությանը մասնակցում էին ՀՀ փոխվարչապետ, տարածքային կառավարման նախարար Արմեն Գևորգյանը, ՀՀ Սյունիքի մարզպետ Սուրեն Խաչատրյանը, Հայաստանում Շվեցարիայի Համադաշնության արտակարգ և լիազոր դեսպան Կոստանտին Օբոլենսկին, Շվեցարիայի զարգացման և համագործակցության գործակալության Անդրկովկասյան գրասենյակի հումանիտար ծրագրերի համակարգող Մ. Վեյնգարդը, Սյունիքի փոխմարզպետ Արա Դոլունցը, Գորիսի քաղաքապետ Նելսոն Ոսկանյանը, ՄԱԿ-ի զարգացման ծրագրի կողմից իրականացվող «Շենքերի էներգետիկ արդյունավետության բարձրացում» ծրագրի ներկայացուցիչները և այլ հյուրեր:
Մեր մշտական ուշադրության կենտրոնում գտնվող երկու փախստական ընտանիքներ և Էլիդա Հովհաննիսյանի ընտանիքը, որոնց պատմությանն անդրադարձել ենք մեր բլոգի նախորդ գրառումներում, նույնպես տոնեցին բնակարանամուտ: Իրականացավ նրանց երկարամյա երազանքը:
Այսօր ՀՀ Ազգային ժողովի պաշտպանության,ազգային անվտանգության և ներքին գործերի մշտական հանձնաժողովի նախաձեռնությամբ ԱԺ թիվ 334 դահլիճում տեղի ունեցավ խորհրդարանակն լսումներ ճանապարհային երթևեկության անվտանգության ոլորտի հիմնահարցերի շուրջ, որը վարում էր հանձնաժողովի նախագահ Կորյուն Նահապետյանը:
Լսումներին մասնակցում էին ԱԺ պատգամավորներ, ոլորտի պատասխանատու կառույցների ներկայացուցիչներ, Կառավարության անդամներ, քաղ. հասարակության ներկայացուցիչներ, միջազգային կառույցներից փորձագետներ և լրագրողներ:
Այսօր <Կանայք տեղական ժողովրդավարական գործընթացներում> ծրագրի շրջանակներում Էրեբունի պլազայում տեղի ունեցավ մամլո ասուլիս , որին մասնակցում էին բարձր ռեյտինգ ունեցող հեռուստալրագրողներ և կանաց հարցերով զբաղվող ՀԿ-ների ներկայացուցիչներ: Ասուլիսը կազմակերպել էր Հայկական PR ասոցիացիան, որը ասուլիսին ներկա ՀԿ- ների հետ նոր էր ավարտել նույն ծրագրի շրջանակներում PR կարողությունների զարգացման դասընթացը Ծաղկաձորում: ՀԿ ներկայացուցիչները հնարավորույուն ունեան ծանոթանալ լրագրողերի հետ և ներկայացնել իրենց հուզոց հարցերը ծրագրի շրջանակներում: Ծրագիրն իրականացվում է ՄԱԿ-ի Զարգացման ծրագրի կողմից` Եվրոֆինանսաորմամբ:
Գորիսի Երիտասարդական միության անդամները երեկ Ծաղկաձորում առիթ ունեցան կենդանի շփվելու ազգային պարծանք հանդիսացող մեր շախմատիստների հետ: Որքան հպարտ ու անառիկ են մերոնք աշխարհի տարբեր մրցահարթակներում, այնքան էլ համեստ ու սիրալիր են երկրի ներսում: Գուցե այդ է պատճառը, որ մենք նրանց շատ ենք սիրում, հարգում և մեծարում: Հպարտանում եմ , երբ գիտակցում եմ, որ այդքան փխրուն, ձեռքերի մեջ է մեր ազգային հպարտությունը, որոնք այդքան ամուր են պահում այն:Հաջողություններ Ձեզ, հարազատներս, աշխարհի բարձրագույն մրցահարթակներում, շարունակեք բարձր պահել շախմատի մեր ազգային պատիվը և յուրաքանչյուր մրցաշարում, ամեն խաղից առաջ հիշեք, որ Սյունիքի մարզը ի դեմս <Գորիսի Երիտասարդական միություն> հասարակական կազմակերպության, Ձեզ հետ է: Գուցե դա Ձեզ փոխանցի մեր լեռների անառիկությունը կրող աորան:
Այսօր Ծաղկաձորի սպորտ համալիրում Եվրոմիության ֆինանսավորմամբ ՄԱԿ-ի Զարգացման ծրագրի շրջանակներում մեկնարկեց Հայաստանի PR ասոցիացիայի կազմակերպած եռօրյա դասընթացը <Կանայք տեղական ժողովրդավարական գործընթացներում> :
Ավարտվեց Գորիսի երիտասարդական միության անդամների աշխատանքային այցը Հունաստան: Ավելացնելով իրենց գիտելիքները միգրացիայի և գործազրկության ոլորտում՝ այսօր նրանք վերադարձան Հայաստան: Բարի գալուստ Ձեզ, հարազատներս, և բարի երթ Ձեր նախաձեռնություններին այդ ոլորտում: Հունաստանը հնադարյան, գեղատեսիլ և հիասքանչ երկիր է, սական հայրենիքը, կարծում եմ, մերոնք շատ էին կարոտել: 
Գորիսի Երիտասարդկան Միության անդամներ, ԻնֆոՏան ներկայացուցիչներ Սարգիս Սարգսյանը,Աստղիկ Բեգլարյանը և Սաթենիկ Սարգսյանը աշխատանքային այցով գտնվում են Հունաստանում: Նրանք մասնակցում են Յանինայում կայանալիք միգրացիայի և գործազրկության խնդիրներին վերաբերվող սեմինարին: Երիտասարդական Միությունը Եվրասիա համագործակցության հիմնադրամի աջակցությամբ արդեն մի քանի տարի է, ինչ զբաղվում է միգրացիայի և ռեպատրիացիայի խնդիրներով Հայստանում: Կազմակերպության գրասենյակում գործում է Սյունիքի միգրացիայի ռեսուրս կենտրոնը, որն աջակցում է միգրանտներին լուծելու իրենց առջև կայացած խնդիրները ինչպես Հայաստանում, այնպես էլ նրանից դուրս: 2009 թ-ին կազմակերպության անդամները փորձի փոխանակման ծրագրի շրջանակներում /աջակցությունը Եվրասիա համագործակցության հիմնադրամի / եղան ՌԴ Օմսկ քաղաքում, որտեղ հանդիպեցին Հայկական համայնքի ներկայացուցիչների հետ՝ ծանոթանալու համար նրանց խնդիրներին և վերլուծելու դրանց պատճառները: Աշխատանքային այցը Ռուսաստանի Դաշնություն հնարավորություն տվեց կենտրոնի աշխատակիցներին հետագայում ավելի արդյունավետ աշխատել ոլորտում:.JPG)
Այսօր Արցախի, Սյունիքի և Վայոց Ձորի մարզերի ձկնորսության սիրահարները հավաքվել Էին մեկ վայրում՝ մասնակցելու ձկնորսության մրցույթ տոնակատարությանը: Խաղարկվում էին երկու մրցանակ՝ թիմային մարզաձևում մեկական կարթով նույն ժամանակում ամենաշատ ձուկ որսացողներին և ողջ որսի ընթացքում ամենամեծ ձուկ որսացողի համար:
Այսօր ավարտվեց Համաշխարհային բանկի նախաձեռնած երկօրյա միջազգային սեմինարը Մարիոտ Արմենիա հյուրանոցում, որին մասնակցում էին Հայաստանի, Մոլդովայի, Վրաստանի, Ուկրանինայի և ՌԴ Կիրովի մարզի Սոցիալական ներդրումների հիմնադրամների աշխատակազմերի անդամներ, նշված երկրների կառավարությունների ներկայացուցիչներ և ՀՍՆՀ գործընկերներ: Հանդիպումն ուներ աշխատանքային նշանակություն, որի ընթացքում մշակվեցին ՀՍՆՀ և ՄՍՆՀ հեռանկարները, գործունեության առաջնայնություններն ու Համաշխարհային բանկի առաջիկա աջակցության ուրվագծերը այդ հիմնադրամներին: Ներկայացվեց նաև վրացական, ուկրաինական և ռուսական մոդելները և նրանց աշխատանքի մեթոդոլոգիան, որը հնարավորություն ընձեռնեց ընդհանրացնելու առավել արդյունավետ փորձը նշված բոլոր հիմնադրամների գործառույթներում:
Սյունիքի մարզից սեմինարին մասնեակցելու էին հրավիրված Սյունիքի փոխմարզպետ Արա Դոլունցն ու Գորիսի Երիտասարդական Միության նախագահ Կարինե Մովսիսյանը:
Այսօր Գորիսի ԻնֆոՏանը տեղի ունեցավ հանդիպում Գորիսի հանրակրթական դպրոցների աշակերտների ծնողների հետ (ֆոկուս խումբ), որը ԻնֆոՏան աջակցությամբ կազմակերպել էր Հայաստանի Ամերիկյան Համալսարանի Թրփանճեան Հասարակական Հետազոտությունների կենտրոնը:
Հանդիպումը նպատակ ուներ լսելու և վեր հանելու արդի ՀՀ հանրակրթական համակարգի խնդիրներն ու դրանց հաղթահարման ուղիները, ինչպես նաև լսելու ծնողական ֆոկուս խմբի կարծիքը կրթական բարեփոխումների մասին:
Այսօր Էլիդայի յոթ հոգանոց ընտանիքն ապրում է ժամանակավոր մեկ սենյակ ներկայացնող կացարանում, որն էլ իր հերթին վթարային է, և պարզ չէ, թե հերթական առավոտ ի՞նչ վիճակի են լինելու կացարանի պատերը: Ինչպես ինքն է ասում. քնում են շորերով, առանց հանվելու: Էլիդան աշխատում է ոստիկանությունում, որպես հավաքարար, լավ է, գոնե նպաստ ենստանում, այապես ինչ կլիներ, դժվար է անգամ պատկերացնել...
Այսօր Գորիսի քաղաքապետա- րանում տեղի ունեցավ Սոցիալական տան բնակարանաբաշխ-ման հանձնաժողովի վերջին՝ կարևոր նիստը, որի որոշման արդյունքում Գորիս համայնքի սոցիալապես անապահով ընտանիքներից թվով 22 ամենաանապահովները կապահովվեն բնակարաններով: Շենքի շինարարությունը մոտենում է ավարտին, ինչն ավելի է թեժացնում հանձնաժողովի աշխատանքները: Ցանկալի է բոլորի կարիքները բավարարել, սակայն չկա այդ հնարավորությունը և հանձնաժողովն ստիպված է, այնուամենայնիվ, որոշում կայացնել: Մեծ դժվարությամբ, սրտի ցավով, բայց մի քանի ընտանիք ամեն դեպքում վերջնական ցուցակից դուրս են մնալու և դա հուզում է հանձնաժողովի անդամներին: Նիստին մասնակցում է նաև «Գորիսի Երիտասարդական միության» ներկայացուցիչը, որն, ինչպես միշտ, պայքարում է փախստականների համար: Բայց ցուցակում ընդգրկվածներից բոլորը կարիք ունեն ... Դա բարդացնում է վճռի ընդունումը:
Հանձնաժողովն ի սկզբանէ որդեգրել է արդարության սկզբունքը: Հուսանք, որ այն կպահպանվի մինչև վերջ...
Համերգի առաջին մասում բեմահարթակը զարդարում էին CIEM -ի ֆրանսիացի երիտասարդները, որոնք համերգն սկսեցի Հայաստանի և Ֆրանսիայի օրհներգերով: Դահլիճը բարեկամական այդ ժեստն ընդունեց ոտնկայս ծափահարություններով: Հետաքրքիրն այն էր, որ փողային նվագախմբի անդամները որքան լավ նվագում, նույնքան էլ լավ երգում էին... բոլորը: «Կարմենից» արիաները դահլիճի պահանջով կրկնվեցին մի քանի անգամ: Այնուհետև բեմահարթակ բարձրացան «Նարեկացու» հայ երիտասարդները, որոնք իրենց կատարմամբ հիացրին գորիսյան և ֆրանսիական հանդիսատեսին՝ դահլիճում նաև ներկա էին Ֆրանսիական պատվիրակության անդամները:
