Էլի դժգոհ են ...

Գորիսի Երիտասարդական Միություն ՀԿ-ի  «Հումանիզմ, թե` նոր տեխնոլոգիա» ծրագրի շրջանակներում  հերթական  հանդիպում-քննարկումը  Գորիսի  Յու. Բախշյանի անվան թիվ 3-րդ հիմնական դպրոցի ուսուցիչների  հետ էր:  Քննարկման թեման  ginfotun blogspot.com բլոգի  ընթերցողներին արդեն ծանոթ ուսուցիչների առողջապահական ապահովագրության հարցն էր:  Չնայած հանդիպումները տարբեր ուսումնական հաստատություններում են տեղի ունենում, այնուամենայնիվ մտահոգություններն ու հիմնախնդիրները ընթանրական են:  Յու. Բախշյանի անվան թիվ 3-րդ հիմնական դպրոցի ուսուցիչները  ափսոսանքով նշեցին, որ տեղեկատվության պակասի,ապահովագրական կազմակերպությունների թույլ տված անճշտությունների պատճառով չեն կարողացել  օգտվել իրենց տրված հնարավորությունից: Իսկ ուսուցիչներից մեկը, հուզմունքը հազիվ զսպելով, առաջարկեց, որ ՀԿ-ի փորձագետը ընդառաջի  մանկավարժներին  և հաջորդ տարում  ուղղորդի զերծ մնալ առկա անճշտություններից:

Հերթական հանդիպման ժամանակ ևս  մանկավարժները ջերմ խոսքերով հրաժեշտ տվին ՀԿ-ի անդամներին` հույս ունենալով հաջորդ տարի հանդիպել տվյալ հանրային քաղաքականության դրական փոփոխությունները քննարկելու համար:

Մոնիտորինգային հանդիպում -քննարկում Գորիսում

Գորիսի Երիտասրդական Միություն ՀԿ-ն  «Հումանի՞զմ, թե` տեխնոլոգիա»  ծրագրի շրջանակներում  հանրային քաղաքականության  մոնիտորինգ իրականացնելու նպատակով կազմակերպեց հերթական հանդիպում- քննարկումը,  այս անգամ ` Գորիսի թիվ 2 հիմնական դպրոցի մանկավարժական  կոլեկտիվի հետ: Հանդիպմանը  ուսումնական հաստատության կոլեկտիվի հետ քննարկվեց ուսուցիչների առողջապահական ապահովագրության հարցերը: Այս անգամ ևս ուսուցիչները բարձրացրեցին  բոլոր այն  խնդիրները, որոնց հանդիպել էին սոցիալական  փաթեթից օգտվելու ժամանակ : Մանկավարժների մեծամասնությունը նշեց , որ  կարիք չեն  ունեցել  օգտվելու առողջապահական ապահովագրությունից, իսկ այն ուսուցիչները, ովքեր օգտվել են, հավաստիացրին , որ սոցիալական փաթեթն ունի բավականին բացթողումներ, որոնք առաջիկայում պետք է վերանայվեն և  շտկվեն:  Իսկ որպես հանրային քաղաքականության  բացթողումներ՝  ուսուցիչները նշեցին` տեղեկատվության պակասը, անհարգալից սպասարկումը,   ապահովագրական կազմակերպությունների թերացումները և այն, որ ոչ լրիվ դրույքով աշխատող ուսուցիչներին իրավունք չի տրվել օգտվել սոցիալական փաթեթից  :   Չնայած առկա խնդիրներին` ուսուցիչները կարևորեցին սոցիալական փաթեթից օգտվելու իրենց տրված հնարավորությունը:  Քննարկման  ընթացքում   բարձրացված   բոլոր հարցերն  ու առաջարկները  ՀԿ-ի փորձագետի կողմից ստացան իրենց սպառիչ պատասխանները և գրի առնվեցին` առաջիկայում մոնիտորինգային հաշվետվության մեջ հրապարակելու նպատակով: Ուսուցիչներին բաժանվեցին անանուն հարցաթերթիկներ` հետագայում թեմայի շուրջ ամբողջական պատկերացում ունենալու և վերլուծություն իրականացնելու համար: 

Հանրային քաղաքականության մոնիտորինգ /Հանդիպում-քննարկում

 Գորիսի Երիտասարդական Միությունը «Հումանի՞զմ, թե՝ նոր տեխնոլոգիաներ»  ծրագրի շրջանակներում իրականացրեց  հերթական  հանդիպում-քննարկումը՝  Գորիսի թիվ 4 ավագ դպրոցի մանկավարժական կոլեկտիվի հետ: Հանդիպումը նպատակ ուներ վեր հանել այն բոլոր խնդիրները, որոնց հանդիպել էին ուսուցիչները առողջապահական ապահովագրությունից  օգտվելու ժամանակ, վերլուծելու դրանք և հավաքագրելու տարբեր առաջարկներ: Քննարկման ընթացքում  ներկաները  ոչ միայն արտահայտեցին իրենց կարծիքները սոցիալական փաթեթի մասին, այլ նաև՝ ստացան իրենց հուզող հարցերի պատասխանները: Հանդիպման վերջում ուսուցիչները հայտնեցին իրենց շնորհակալությունը ՀԿ-ին նման գործառույթ նախաձեռնելու կապակցությամբ և հրաժեշտ տվեցին միմյանց առաջիկայում փոփոխություններ տեսնելու ակնկալիքով: