Բուլղարիայի Ռազլոգ քաղաքում գործող " Միջազգային նախաձեռնություններ` հանուն համագործակցության" կազմակերպության կողմից իրականացվող նախաձեռնության շրջանակներում քաղաքի ռեստորաններից մեկում մենք` կամավորականներս, իրականացնում ենք
"Ազգային ճաշատսակներ" ծրագիրը: Այդ օրերի ընթացքում մենք ինքներս ենք պատրաստում ազգային ճաշատեսակներ, որոնք կարող է համտեսել ռեստորան հաճախող ցանկացած մեկը: Արդեն իսկ բուլղարացիները ճաշակել են իսպանական և թուրքական ուտեստները: Բախտի բերմամբ, թե պատահմամբ, բայց հենց վաղը` Հայաստանի Հանրապետության անկախության օրը, Բուլղարիայի Ռազլոգ քաղաքում ես կներկայացնեմ հայկական խոհանոցը: Ասեմ, որ հետաքրքրությունը անչափ մեծ է հատկապես հայկական խոհանոցի նկատմամբ: Այստեղ համեստություն չեմ դրսևորի և կասեմ, որ դրանում մեծ է իմ սեփական PR ներդրումը, ինչով զբաղվում եմ այստեղ գալու օրվանից: Այսօր հարցազրույց եմ տվել տեղական հեռուստաընկերություններից մեկին, որի տեսագրությունը, հույս ունեմ, շուտով կներկայացնեմ ձեզ: :)) Վաղը իմ ցանկությամբ ռեստորանում հնչելու է միայն հայկական երաժշտություն, իսկ յուրաքանչյուր սեղանին կտեղադրվեն ցուցանակներ, որոնց վրա կլինի Հայաստանի Անկախության օրվան նվիրված նկար: Դե ինչ, հուսամ` ամեն ինչ լավ կանցնի: 
Комментариев нет:
Отправить комментарий