Հանդիպում Հալիձոր համայնքում

Այսօր ԳԵՄ անդամները «Պարտաճանաչ հարկատու համայնքում» ծրագրի շրջանակներում հանդիպում ունեցան Հալիձոր համայնքի ՏԻՄ ներկայացուցիչների հետ, որի ընթացքում ներկայացվեց ծրագրի դրույթներն ու ձեռք բերվեց  հետագա համագործակցության մասին համաձայնություն: Ծրագիրը նպատակ ունի աջակցելու համայնքներում հարկահավաքագրման գործընթացի արդյունավետության բարձրացմանը:

Հանդիպում Շինուհայր համայնքում

Այսօր ԳԵՄ անդամները «Պարտաճանաչ հարկատու համայնքում» ծրագրի շրջանակներում հանդիպում ունեցան Շինուհայր համայնքի ՏԻՄ ներկայացուցիչների հետ, որի ընթացքում ներկայացվեց ծրագրի դրույթներն ու ձեռք բերվեց  հետագա համագործակցության մասին համաձայնություն: Ծրագիրը նպատակ ունի աջակցելու համայնքներում հարկահավաքագրման գործընթացի արդյունավետության բարձրացմանը:

Էկո դասընթաց առարկան դասավանդողների համար

Այսօր ԳԵՄ գրասենյակում §Տապան¦ էկո-ակումբ հասարակական բնապահպանական կազմակերպության կողմից կազմակերպվել էր վերապատրաստման դասընթաց §Էներգիայի և ռեսուրսների օգտագործման դպրոցական ծրագրի¦ շրջանակում: Սա միջազգային նախագիծ է, որը հիմնվել և ֆինանսավորվում է §Բնության պահպանության նորվեգական ընկերություն¦ կազմակերպության կողմից: Հայաստանում նախագծին միացել են հանրապետության 11 մարզերի շուրջ 140 դպրոցների 65 ուսուցիչ և 1460 աշակերտ:Սա  ծրագրի համակարգողների և ուսուցիչների միջև արդեն երկրորդ հանդիպումն է: Դասընթացի ընթացքում ներկայացվեցին առարկայի դասավանդման ծրագիրը, մեթոդները, չափանիշները, գնահատման կարգը: Հանդիպումն անցավ ակտիվ քննարկումների պայմաններում, ներկաները փոխանակվեցին մտքերով ևառաջարկություններով

Հանդիպում Մեղրիում / մոնիտորինգային այց

Այսօր տեղի ունեցավ Գորիսի Երիտասարդական միության անդամների հնադիպում - քննարկումը Մեղրիի թիվ 1 միջնակարգ դպրոցի մանկավարժների հետ: Հանդիպումը մոնիտորինգային է, ունի նպատակ բացահայտելու պետական բյուջեից սնվող հիմնարկների աշխատողների ապահովագրական սոցիալական փաթեթի ներդրման օգտակարությունն ու մանկավարժների վերաբերմունքը փաթեթի նկատմամբ: Մանկավարժների կարծիքով լավ է, որ պետությունը անհանգստանում է իր մանկավարժների մասին, բայց նախնական բացատրական աշխատանք չի տարվել և կնքված պայմանագրերը հիմնականում չեն բավարարում շահառուների կարիքները: 

ԳԵՄ-ի անդամները վերադարձել են Հունաստանից

Ավարտվեց Գորիսի երիտասարդական միության անդամների աշխատանքային այցը Հունաստան: Ավելացնելով իրենց գիտելիքները միգրացիայի և գործազրկության ոլորտում՝ այսօր նրանք վերադարձան Հայաստան: Բարի գալուստ Ձեզ, հարազատներս, և բարի երթ Ձեր նախաձեռնություններին այդ ոլորտում: Հունաստանը հնադարյան, գեղատեսիլ և հիասքանչ երկիր է, սական հայրենիքը, կարծում եմ, մերոնք շատ էին կարոտել: 

Մարդամեջը Գորիսում

Այսօր ԳԵՄ-ի գրասենյակում տեղի ունեցավ հանդիպում աշակերտների, ուսանողների և ակտիվ երիտասարդների հետ, որի ընթացքում Գորիս Ինֆո տան համակարգող Միքայել Իսախանյանը ներկայացրեց Մարդամեջի շրջանակներում կատարվող <<Սոցիալական նորարարության ճամբար(Social innovation camp)>> ծրագրի էությունը և ծրագրին դիմելու ձևն ու կարգը: Ներկաները ստացան իրենց հետաքրքրող  հարցերի պատասխանը: Օրինակների հիման վրա պարզ ու պատկերավոր պատկերացում տրվեց ծրագրի մասին: Մասնակիցները դիտեցին Մարդամեջ 2011-ի տեսահոլովակը, վարեցին հետաքրքիր դիսկուսիա ու ևս մեկ անգամ հիշեցվեցին հայտերի լրացման ու ընդունման վերջնաժամկետի մասին:

Մարդամեջ 2012

Այսօր՝ ժամը 16:00-ին Գորիսի երիտսարդական միության գրասենյակում տեղի ունեցավ հանդիպում ԳՊՀ-ի ուսանողական խորհրդի, ավագ դպրոցների աշակերտական խորհուրդների անդամների և ակտիվ գործունեությամբ զբաղվող տարբեր երիտասարդների հետ: Հանդիպման ընթացքում  Գորիս Ինֆո տան համակարգող Միքայել Իսախանյանը ներկայացրեց   Մարդամեջ 2012-ի շրջանակներում կատարվող երկրորդ <<Սոցիալական նորարարության ճամբար>> (Social innovation camp) էությունը, ֆորմատը, ծրագրին դիմելու կարգն ու ժամկետները:
Խոսվեց նաև առաջիկայում սպասվող դասընթացների մասին:  

Նրանք, ովքեր հետքրքրված են <<Սոցիալական նորարարության ճամբար>> ծրագրով կարող են այցելել  http://mardamej.wordpress.com/ կայքը, հայտերի լրացման համապատասխան տեղում  լրացնել հայտեր և մինչև հոկտեմբերի 22-ը դիմել ծրագրին մասնակցելու համար:
Մանրամասն տեղեկություններ կարող եք ստանալ http://mardamej.wordpress.com/ կայքից: