Այսօր՝ ժամը 15:00-ին Գորիսի երիտասարդական միության գրասենյակում տեղի է ունենալու հանդիպում Մարդամեջ նախագծի շրջանակներում, որի ընթացքում կներկայացվի Մարդամեջի հիմնական դրութներն ու ուղությունները, սոցիալական նորարարության ճամբարին մասնակցելու, ինչպես նաև երիտասարդական նորարարական գաղափարները կյանքի կոչելու հնարավորությունները:
Հրավիրում ենք 13-30 տարեկան այն երիտասարդներին, ովքեր ունեն գաղափարներ և դրանց կիրառման համար փնտրում են հովանավորներ կամ պարզապես ցանկանում են իրենց մասնակցությունը բերել ճամբարին:
Գորիսի Ինֆո տունը սիրով կսպասի Ձեզ:
Այսօր ԳԵՄ-ի գրասենյակում տեղի ունեցավ հանդիպում աշակերտների, ուսանողների և ակտիվ երիտասարդների հետ, որի ընթացքում Գորիս Ինֆո տան համակարգող Միքայել Իսախանյանը ներկայացրեց Մարդամեջի շրջանակներում կատարվող <<Սոցիալական նորարարության ճամբար(Social innovation camp)>> ծրագրի էությունը և ծրագրին դիմելու ձևն ու կարգը: Ներկաները ստացան իրենց հետաքրքրող հարցերի պատասխանը: Օրինակների հիման վրա պարզ ու պատկերավոր պատկերացում տրվեց ծրագրի մասին: Մասնակիցները դիտեցին Մարդամեջ 2011-ի տեսահոլովակը, վարեցին հետաքրքիր դիսկուսիա ու ևս մեկ անգամ հիշեցվեցին հայտերի լրացման ու ընդունման վերջնաժամկետի մասին:
