Էկոլոգիական դասընթաց լրագրողների համար

Օգոստոսի 16-18-ը Ծաղկաձորում «Տապան» էկո-ակումբ հասարակական բնապահպանական կազմակերպությունը երիտասարդ լրագրողների համար կազմակերպել էր էկոլոգիական դասընթաց՝ «Բնապահպանական մարտահրավերները.դրանց հնարավոր լուծումները լրագրողների աջակցությամբ» խորագրով, որին մասնակցում էր նաև Գորիս ԻնֆոՏան ներկայացուցիչը:

Դասընթացի նպատակն էր լրագրողներին ներկայացնել համաշխարհային, մասնավորապես Հայաստանի բնապահպանական հիմնախնդիրները, դրանց առաջացման պատճառները, ներկայիս վիճակը և լուծման հնարավոր ուղիները՝ հատկապես լրագրողների օգնությամբ, ծանոթացնել պրոֆեսիոնալ լրագրության ժամանակակից չափանիշներին,տեղեկատվական նյութերի պատրաստման հմտություններին, համացանցային լրատվության առանձնահատկություններին: Ընթացքում կատարվեցին խմբային աշխատանքներ, թեմատիկ ֆիլմի դիտում:

Դասընթացի փորձագետներն էին §Տապան¦ էկո-ակումբ ՀԿ նախագահ Հրանտ Սարգսյանը, §Հանուն կայուն մարդկային զարգացման¦ ասոցիացիայի նախագահ Կարինե Դանիելյանը §Հետք¦ ինտերնետային թերթի գլխավոր խմբագրի տեղակալ Լիանա Սայադյանը:

Եվս մեկ դասընթաց ԻնֆոՏանը ...

Այսօր Գորիսի երիտասարդական միության նախագահ Կարինե Մովսիսյանը վկայականներ հանձնեց «Համայնքի ռեսուրս կենտրոն» և «Գորիսի ԻնֆոՏուն» ծրագրերի շրջանակներում, Գորիսի երիտասարդական միության կողմից կազմակերպված «Հաշվապահություն և էլէկտրոնային հաշվապահական ծրագրերի  հմտություններ»  դասընթացի մասնակիցներին:

Տվյալ վկայականը տրվում է այն մասին, որ  ԳԵՄ ծրագրերի շրջանակներում տվյալ մասնակիցը (նկարում Սիլվա Բեգլարյանը) ավարտել է  դասընթացը և ստացել էլեկտրոնային ծրագրերի կիրառմամբ հաշվապահի որակավորում:
Ծրագիրն իրականացվում է ՄԱԿ-ի Փախստականների գլխավոր հանձնակատարի գրասենյակի աջակցությամբ, որի շրջանակներում ԳԵՄ գրասենյակը տեխնիկապես վերազինվել է համակարգչային ժամանակակից լսարանով:
Ծրագրի շնորհիվ փախստականները հնարավորություն ունեցան զարգացնելու իրենց համակարգչային գիտելիքներն ու ինտեգրվել տեղաբնակաների հետ: Նրանցից շատերը ծրագրի ավարտից հետո էլ այցելում են իրենց տեղաբնակ ընկերներին և առանց կոմպլեքսների շփվում միմյանց հետ:

Դասընթացավար Սիրուն Քյարունցը իր մասնագիտական որակավորումը բարձրացրել է Երևանի «ENS հաշվապահական կենտրոն» -ում և իր հմտությունները սիրով փոխանցում է ծրագրի շահառուներին:
Դասընթացի մասնակից շահառուներից Վիգեն Քաթանյանը տեղավորվել է աշխատանքի Տաթևի ճոպանուղու համակարգում, իսկ Սիլվա Բեգլարյանը արդեն իսկ աշխատում էր Գորիսի Դիագնոստիկ կենտրոնում: 

Առաջնորդության դասընթաց Գորիսում

Այսօր Դիանա Հյուրանոցի հանդիպումների սրահում

 մեկնարկեց 2-օրյա հանդիպում-դասընթացը  «Լիդերության խթանումը՝ որպես կանանց քաղաքացիական մասնակցության ակտիվացման նախադրյալ» թեմայով, որին մասնակցում էին նաև Գորիսի ԻնֆոՏան անդամները:  

Դասընթացն անցկացնում են Համալսարանային կրթությամբ կանանց ասոցիացիայի վարչությունը և ասոցիացիայի Գորիսի մասնաճյուղը:

Քննարկվեցին հետևյալ թեմաները՝

·         Քաղաքացիական հասարակության կառուցվածքը, ինստիտուտները և գործառույթները:

·         Կանանց քաղաքական մասնակցության իրավական հիմքերը:<<Կանանց նկատմամբ խտրականության բոլոր ձևերի վերացման մասին >> ՄԱԿ-ի կոնվենցիան և կանանց իրավունքների պաշտպանության հիմնախնդիրները:

·         Լիդերություն, տիպերը և առանձնահատկությունները: Լիդերության զարգացումը որպես քաղաքացիական նախաձեռնությունների  խթանման գործոն:

·         Լիդերության խթանումը՝ որպես կանանց քաղաքական և քաղաքացիական մասնակցության ակտիվացման նախադրյալ:

·        Հասարակական-քաղաքական երկխոսության մշակույթ:

      Նյութը մատուցվում էր շատ մատչելի ձևով: Ամեն ինչ սպասվածից ավելին էր:

Մարդամեջ 2012

Այսօր՝ ժամը 16:00-ին Գորիսի երիտսարդական միության գրասենյակում տեղի ունեցավ հանդիպում ԳՊՀ-ի ուսանողական խորհրդի, ավագ դպրոցների աշակերտական խորհուրդների անդամների և ակտիվ գործունեությամբ զբաղվող տարբեր երիտասարդների հետ: Հանդիպման ընթացքում  Գորիս Ինֆո տան համակարգող Միքայել Իսախանյանը ներկայացրեց   Մարդամեջ 2012-ի շրջանակներում կատարվող երկրորդ <<Սոցիալական նորարարության ճամբար>> (Social innovation camp) էությունը, ֆորմատը, ծրագրին դիմելու կարգն ու ժամկետները:
Խոսվեց նաև առաջիկայում սպասվող դասընթացների մասին:  

Նրանք, ովքեր հետքրքրված են <<Սոցիալական նորարարության ճամբար>> ծրագրով կարող են այցելել  http://mardamej.wordpress.com/ կայքը, հայտերի լրացման համապատասխան տեղում  լրացնել հայտեր և մինչև հոկտեմբերի 22-ը դիմել ծրագրին մասնակցելու համար:
Մանրամասն տեղեկություններ կարող եք ստանալ http://mardamej.wordpress.com/ կայքից: