Երկար ու հաճելի ճանապարհ Գորիսից Երևան: Փետրվարի քսանչորս, հետո քսանհինգ: Հրազդան հյուրանոց: Երիտասարդական բանկերի հերթական հանդիպում:Փետրվարի քսանչորսին ժամանեցինք հյուրանոց, տեղավորվեցինք սենյակներում և նախաճաշից հետո հավաքվեցինք Հրազդան հյուրանոցի կոնֆերենս սրահում՝ միջոցառման սկիզբը ազդարարելու համար: ԵԲ նոր և հին անդամները ծանոթացան միմյանց հետ և մեծ ուշադրությամբ ու հետաքրքրությամբ լսեցին գործարար Ստեփան Ավանեսյանի դասախոսությունը՝ ինչպես հասնել հաջողության, ինչպես բացահայտել տաղանդ, ինչպես ճիշտ գնահատել ռիսկերը և այլն: Ստեփանի կողմից բերվեցին իր իսկ կյանքից օրինակներ՝ դասախոսությունը ավելի պարզ ու հասկանալի դարձնելու համար: Այնուհետև ԵԲ անդամները մասնակցեցիցն Մալյանի անվան թատրոնում <<Շփման գիծ>> ծրագրի շրջանակներում տեղի ունեցած բանավեճին, որին մասնակցում էին Արման Սաղաթելյանը, Երևանի Մամուլի
ակումբից ներկայացուցիչ և ուրիշներ: Բանավեճի թեման էր <<Անաչառ լրագրություն, ողջամտության սահման>>: ԵԲ անդամներն ու հյուրերը լսեցին բանախոսների տեսակետները, ստացան իրենց հետաքրքրող հարցերի պատասխանները, արեցին մեկնաբանություններ և ստացան դրական տպավորություն:
Հաջորդ օրը սկսվեց Երիտասարդական բանկերի կատարած աշխատանքների ու հետագա սպասելիքների քննարկումով: Հետո բոլոր ԵԲ-ները ներկայացրեցին իրենց ֆինանսավորած ծրագրերից երկուսը՝ մեկը, ըստ իրենց, հաջողված, մյուսը՝ ոչ, ու սկսեցին քննարկել դրանք՝ ձգտելով գտնել ճիշտ լուծումներ և փոխանակվել փորձով:
Շատ լավ նախաձեռնությունների մեջ եք,երեխեք ջան: համոզված եմ, որ ապագան ձեր շնորհիվ ավելի հուսալի է լինելու:
ОтветитьУдалитьՄի առաջարկություն ունեմ Գորիսի Ինֆոտան ակտիվիստներին:
Երևի տեղյակ եք, որ նախաձեռնություն կա Գորիսում,Սյունիքում FM ռադիոկայան ստեղծելու/իհարկե առայժմ միայն օնլայն տարբերակով/: Դա մենակ անելու բան չի, և կուզեինք որ բոլորս համագործակցենք, մանավանդ իֆոտները, երիտասարադական բանկերի երեխեքը, բլոգերները: Հաջողության դեպքում , այդ ռադիոեթերները կվարվեն ռոտացիոն սկուզբունքով, և կկազմակերպվեն հետաքրքիր հաղորդումներ,մարզին վերաբերող բոլոր նորությունները, բլոգերների մտքերը կհաղորդվեն այդ ռադիոյով: կա նաև ուղիղ եթերի հնարավորություն: Ինչ կասեք? մի օր հավաքվենք մի քիչ քննարկենք
Մարատ Դադունց