Այսօր ԳԵՄ գրասենյակում տեղի ունեցավ հանդիպում Գորիսի պետական թվով 25 ծառայողների հետ: Հանդիպումը կրում էր մոնիտորինգային բնույթ և նպատակ ուներ բացահայտելու և դիտարկելու պետական ծառայողների վերաբերմունքը պետության կողմից ներդրվող ապահովագրական սոցիալական փաթեթի նկատմամբ: Հիմնականում հանդիպման մասնակիցները իրենց գոհունակությունը հայտնեցին պետության կողմից տարվող հանրային քաղաքականության նկատմամբ, բայց դա չի նշանակում, որ այն 2012թ-ի համար իրականացվել է անթերի: Հասկանալի է, որ գործառույթը իր տեսակով նորույթ է Հայաստանում և բնականաբար եղել են բացթողումներ՝ կապված շտապողականության հետ: Շահառուները հիմնականում ապահովագրական գործակալների օգնությամբ են լրացրել իրենց պայմանագրերը և ժամանակի սղության և շտապողականության պատճառով հիմնականում ոչ իրենց օգտին:
Комментариев нет:
Отправить комментарий