Լինել, թե՞ չլինել....սա է խնդիրը...

Երկու օր շարունակ չէր դադարում բուռն քննարկումները Գորիսի թիվ 1 հատուկ դպրոցի /գիշերօթիկ/ ճակատագրի շուրջ ԳԵՄ գրասենյակում, որտեղ ԻնֆոՏան աջակցությամբ իրականանում էր ՄԱԿ-ի Մանկական հիմնադրամի կազմակերպած հանդիպում-քննարկումը: Հանդիպմանը մասնակցում էին  ՄԱԿ-ի Մանկական հիմնադրամի ,ՀՀ Կրթության և  գիտության,  Աշխատանքի և սոցիալական, Տարածքային կառավարման  նախարարությունների ներկայացուցիչները, ՀՀ Սյունիքի մարզպետարանի  Երևանի Բժշկահոգեբանամանկավարժական կենտրոնի տնօրենը, Գորիսի թիվ 1 հատուկ դպրոցի տնօրինությունը և մասնագետներ, Գորիսի թիվ 3 և 6 ներառական դպրոցների տնօրինությունները և մասնագետներ, Գորիսի հաշմանդամ երեխաների ցերեկային խնամքի կենտրոնի տնօրինությունը և այլ ՛ահագրգիռ անձիք:
Բուռն քննարկումների արդյունքում ներկաները փորձում էին առաջարկել այնպիսի տարբերակներ, որն ընդունելի կլիներ բոլոր կողմերի համար և կաշխատեր ի շահ մանկավարժական կոլեկտիվի և դպրոցի սաներիՀոգեբանամանկավարժական կենտրոն, երկարօրյա դպրոց, ցերեկային խնամքի կենտրոն... Փաստն այն է, որ 50 տարի շարունակ Գորիսի երեխաներին բարձրորակ կրթություն տվող, ծնողների և հասարակության կողմից հարգված  գիշերօթիկ դպրոցը 2014 թ-ից  այլեվս  չի գործելու: Ցավալի է...Բայց փաստ...