Հունիսի 27-ին տեղի ունեցավ ամերիկացի կամավորականների և գորիսեցի երիտասարդների հանդիպումը: Խաղաղության Կորպուսի կամավորները քայլարշավներ էին կազմակերպել Հայաստանի հյուսիսից և հարավից: Հարավում քայլարշավը սկսել էին հայ-իրանական սահմանից, և նրանց հերթական կանգառը եղավ Գորիսում` Ս. Խանզադյանի անվան թիվ 6 հիմնական դպրոցում:
Նրանց նպատակն է, օգտագործելով պարզ և հանրամատչելի մեթոդներ, իրազեկել Հայաստանի երիտասարդությանը առողջապահության և շրջակա միջավայրի մասին տեղեկությանը: Կամավորները հիմնականում կենտրոնացան առողջ սննդակարգի, մարմնամարզության, ծխախոտից և ալկոհոլից խուսափելու, ինչպես նաև աղբահանության ճիշտ կազմակերպման խնդիրների վրա: Ամեն ինչ ընթանում էր շատ հաճելի ու մտերմիկ միջավայրում:
Այս նախաձեռնությանը մասնակցում էին նաև <Գորիսի երիտասարդական միություն> ՀԿ-ի անդամները, ովքեր և’ օգնում էին կամավորներին, և’ մասնակցում ծրագրին: Վերջում մասնակիցներին տրվեցին հավաստագրեր և բոլորը միասին նկարվեցին:
Կամավորները դեռ իրենց քայլարշավը կշարունակեն մինչև Վայոց Ձորի Եղեգնաձոր քաղաքը:
Комментариев нет:
Отправить комментарий